putting out the fire with gasoline

Ferguson kann sitt fag og þekkir muninn á milli góðs liðs og liðs sem er tilræði við fótbolta.

Ferguson: Arsenal erfiðari en Chelsea

Villigata nr. 15(%)

Það er og hefur verið okkar háttur hér á landi ísa að einblína of mikið á ákveðnar hugmyndir, á kostnað þess að missa af tækifærum. Tökum krónuna sem dæmi, hver er ávinningur okkar af því að halda i hana svona lengi? Enginn, bara óbætanlegur kostnaður, hins vegar er Ísland með sinn eigin gjaldmiðil og verður áfram, meðan núverandi forsætisráðherra fær að ráða.

Verðbólga er ekkert nema mælistika á verðhækkanir, og það er alltaf einhver verðbólga þar sem er hagvöxtur, kannski ekki 15%, en smá verðbólga er merki um heilbrigði markaðsins. Það að verðbólgu sé að finna í löndum þar sem evran er gjaldmiðill, er ekki og ætti aldrei að vera skerið sem umræðan um aðild að ESB steitir á. Það er verið að drepa málinu á dreif.

Ekki rétt að tala um kreppu

Agnes og efnahagsmálin

Agnes Bragadóttir viðhafði þvílíkt bull um íslenskt efnahagslíf i Silfri Egils s.l. sunnudag, að það er ekki einkennilegt að Árni Johnsen hafi fallið frá stefnu vegna ummæla hennar um hann í útvarpsþætti. Stjörnublaðamaðurinn dæmir sig sjálfur.

Árni fellur frá málssókn á hendur Agnesi

Einhlítar afleiðingar efnahagsaðgerða?

Tvö lönd byggðust í upphafi af nýbúum sem voru að flýja skattheimtu í heimalandi sínu: Ísland og Bandaríki Norður Ameríku. Sannir frjálshyggjumenn!

Í þessari efnahagslegu niðursveiflu sem nú er í gangi í heiminum heyrast þær raddir að frjálshyggjan hafi sýnt að hún sé gagnslaus, virki ekki, best sé að henda henni fyrir borð! Það er getur ekki verið meira frá sannleikanum. Markaðurinn er að sýna og sanna sig, nú hreinsast út veikari fyrirtæki og þau sem standa traustum fótum munu lifa þetta af. Ódýrir peningar kalla á fjárfestingar sem þurfa ekki að skila eins miklum arði og farið hefur verið út í fjárfestingar sem ekki eru mjög arðvænlegar.

Hagfræðiprófessor minn sagði að uppáhaldsorðatiltæki hagfræðinga væri "on the other hand", eða á hinn bóginn, vegna þess að afleiðingar efnahagsaðgerða eru aldrei einhlítar! Hann vissi sínu nefi, eins og allir góðir hagfræðingar.

Það á ekki að þurfa afskipti ríkisvaldsins af efnahagsmálum bara vegna þess að það er niðursveifla, þetta er nátturuleg hreyfing markaðsins. Það er hins vegar löngu kominn tími á að endurskoða gjaldmiðilinn. Hvorki fyrirtæki né heimili í landinu geta staðið undir þessum ónýta gjaldmiðli, niðursveiflan er mun dýpri fyrir vikið. Hvenær verður nóg komið?

Ógnvænleg efnahagsþróun

Með á nótunum?

Skuldatryggingarálag (CDS eða Credit Default Swap) er aldrei annað en "quote", þegar samið er um lán. Þá kemur fram það skuldatryggingarálag sem er í boði. Það reyndist mun lægra en talað hafði verið um fyrir íslenska ríkið, rétt eins og þegar Kaupthing tók stórt lán, ekki alls fyrir löngu.

Nauðsynlegt var að auka gjaldeyrisforðann og heppilegt að það var ekki "of dýrt" eins og fjármálaráðherra talaði um í sumar.

Næsta mál á dagskrá er að hefja lækkunarferli stýrivaxta. Eru allir með á nótunum þar? Við getum bara vonað að svo sé.

30 milljarða króna lán

Óþarfi að agnúast

„Aðalatriði í málinu er að ekki er verið að stöðva eða hætta við framkvæmdir, heldur að draga saman með heildstæðum hætti eins miklar umhverfisupplýsingar og hægt er. Það er síðan leyfisveitenda og þeirra sem fjárfesta að taka ákvörðun um að fara í málið. Mikilvægt er að menn vinni hratt,"

Tilvitnun í Geir Haarde forsætisráðherra í Visir.is (1.ág.´08)

Sé ekki betur en ríkisstjórnin sé sammála um að vera skynsöm í þessu máli, með umhverfisráðherra í broddi fylkingar. Miklar framkvæmdir krefjast mikils undirbúnings.

Það vita allir.

 

Skiptar skoðanir um ákvörðun Þórunnar

Hræsni

Það er vonandi að allir þeir sem eru þátttakendur í þessu grátbroslega hringleikahúsi stjórnmála í Reykjavíkurborg, geri sér grein fyrir að almenningur veit að þeir eru þarna fyrir þá sjálfa og engan annan, hvorki kjósendur né stefnumál.

Allir stjórnmálamenn og wannabees eru sekir um þessa hræsni. Ungliðahreyfing VG ekki síður en aðrir.

 

 

 

Mótmælt fyrir utan ráðhúsið

Fengur

Frábær þétting á ungu liði Arsenal að fá hinn fráa og reynda leikmann Mikael Silvestre í sínar raðir. Meistari Wenger kann þetta, það er bara þannig. Ferguson lætur hins vegar tilfinningarnar stjórna sér, eins og svo oft áður, og sendir frá sér góða menn. Megi hann gera það sem oftast.

Silvestre í raðir Arsenal

Á-i

Þó svo að Portsmouth séu ekki mínir menn, þá rennur nú blóðið til skyldunnar að halda með þeim gegn Man U. og ekki bara af því að MU er líklegast næst-leiðinlegasta lið sögunnar, heldur af því að hinn afbragðs litríki karakter og landi, Hreiðarsson er í Portsmouth. Það var beinlínis sársaukafullt að horfa á vítaspyrnukeppnina, ekkert minna. Það hefði verið gaman að sjá Hreiðarsson, sem ávallt heldur sínu kúli, taka eina spyrnu.

United vann Samfélagsskjöldinn

Þögn gulls ígildi...

Það er að koma í hausinn á stjórnvöldum að ekki var byggður upp gjaldeyrisforði, á meðan bankarnir voru að byggjast upp. Núna er ekki hagstætt að auka gjaldeyrisforðann, en er um eitthvað val að ræða? Svarið er að þetta verður að gerast, hvort sem fjármálaráðherra skilur það eða ekki.

Skuldatryggingarálag (credit default swap eða CDS) er "quote", sem byggir alls ekki á undirliggjandi viðskiptum. Þetta er ekki föst stærð eins oft virðist talað um. Þetta kom skýrlega í ljós nýlega, þegar Kaupþing tók stórt lán, en skuldatryggingarálagið var eitthvað í kringum 100 punkta, ef ég man rétt.

Það er mikið alvörumál að tala á þennan hátt við alþjóðlegan fjármálamarkað.

 

Of dýrt að efla gjaldeyrisforðann nú